Euskararen Paparazziak argazki lehiaketaren zazpigarren edizioa ospatu du Oarsoaldeko Euskara Batzordeak. Aurreko edizioetako bideari jarraituz, argazkigintza merkataritzarekin eta ostalaritzarekin lotzen duen lehiaketa martxan da berriz ere Oarsoaldean.

“Prezio berean, euskaraz!” egitasmoaren barnean antolaturiko argazki lehiaketa da EUSKARAREN PAPARAZZIAK. Errenteriako, Lezoko, Oiartzungo eta Pasaiako merkataritza eta ostalaritza establezimenduetan euskararen erabilera handitzeko, hizkuntza paisaiak duen garrantzia azpimarratzea du helburu egitasmoak.

Edizio honetako irabazlea Dani Novas errenteriarra izan da Kerala tabernan ateratako argazkiari esker. Oarsoaldeko saltokietan gastatzeko 150 euroko ordainsaria eskuratu du.

Parte hartu duten argazki guztiak ikusgai daude MULTIMEDIA atalean.