Albisteak

2023KO UDAZKENEKO KUXKUXEROAK

2023-11-07

Eskualdeko gazteei euren gustuko erreferente euskaldunekin hitz egiteko eta egoteko aukera eskaintzea da Kuxkuxeroak egitasmoaren helburuetako bat. Kuadrillategin edo gazteei zuzenduriko bestelako egitasmoetan dabiltzan eskualdeko lau herrietako 12-18 urte arteko gazteei eskaintzen zaizkie saio horiek.

Julen Portillo, tiktoker eta influencer gaztea, izan da azaroaren 3an Oiartzungo gazteekin eta 17an Pasaiakoekin izango da.

Bestetik, Julen Castillo aktore oiartzuar gazteak Lezoko gazteak bisitatuko ditu hilaren 10ean, eta Errenteriakoak 17an.

Saio hauetan euren ibilbide profesionalaren eta bizipen pertsonalen berri ematen diete pertsona ezagunek gazteei eta horiek, haiei egiteko dituzten galderak prestatuta eramaten dituzte. Solasaldi ireki eta atsegina sortu ohi da gehienetan.

• Elkarbanatu: