Mintzagun tailerrak

Mintzagun tailerrek helburu asko betetzen dituzte aldi berean; euskaltegietako ohiko dinamikatik at, euskaraz orotariko gaiak jorra daitezkeela ikusarazten diete euskara ikasleei eta herritarrei. Askok eta askok gai jakin horri buruzko lehen ezagutza euskararen bidez izango dute. Era horretako azalpen, tailer eta hitzaldi modukoak ulertzeko gai direla ere erakutsiko diete saioek, hala, motibazioa areagotuz. Galderak egin ahal izateak eta emailearekin, nahiz beste hartzaileekin, solasean jarduteko aukerak ere ikasle eta finkatze prozesuan mesede egingo diela sinetsita gaude. Erabilera natural bat ezagutuko dute eta eurak partaide izango dira.

Gai bakoitzeko sei tailer ematen dira eta sei horietako bat herritarrei irekia izaten da, txandaka, dagokion herriko areto públiko batean. Hala, beraz, urtean seina tailer egiteko asmoa dugu eskualdeko sei euskaltegietan: Errenteriako Udal Euskaltegia eta Xenpelar AEK Euskaltegia, Lezoko Oroitzene AEK Euskaltegia, Oiartzungo Intxixu AEK Euskaltegia, Pasaiako Udal Euskaltegia eta Txirrita AEK Euskaltegia. Euskaltegi bakoitzak bana herritarrei irekia antolatzen duela.

TAILERRETAN JORRATZEN DIREN GAIAK

Gaien aukeraketan aniztasuna bilatzen saiatzen gara beti. Azken urteotan, aromaterapia, lanean postura ezegokiak saihesteko heziketa, argazkigintza, ardo-dastatze, lehen sorospen, sexologia, astronomia, txalaparta eta pasta egiteko tailerrak izan ditugu, besteak beste. Tailer hauek emateko adituak diren pertsonak ekartzen ditugu beti.

Hurrengo tailerrak

Euskara ikaslea ahalduntzeko tailerrak. Euskaltegian euskara ikasi eta kalean, eguneroko bizitzan normaltasunez erabiltzera pasatzeko orientabideak, aholkuak eta estrategiak irakatsiko dizkiete euskara ikasleei Emuneko Ainhoa Lasak eta Inaxio Usarraldek.

• Urriak 20: Intxixu AEK (Oiartzun) (17:00 - 18:30)
• Urriak 22: Pasaiako Udal Euskaltegia (09:30 - 11:00)
• Urriak 27: Oroitzene AEK (Lezo) (18:00 - 19:30)
• Urriak 28: Errenteriako Udal Euskaltegia (09:30 - 11:00)
• Urriak 29: Txirrita AEK (Pasai Antxo) (18:30 - 20:00
• Urriak 30:  Xenpelar AEK (Errenteria) (19:00 - 20:30)

Azkeneko tailerrak

• 2025eko maiatza: Bizkarra zaintzen ikasteko tailerra
• 2025eko martxoa: Ogia egiten ikasteko tailerra
• 2025eko otsaila: Zaporeak elkartearen lan solidarioa ezagutzeko tailerra
• 2025eko urtarrila: Mikro ipuinak sortzen ikasteko tailerra
• 2024ko abendua: Postre hotzak egiten ikasteko tailerrak euskaltegietan.
• 2024ko azaroa: Postre hotzak egiten ikasteko tailerrak euskaltegietan.
• 2024ko urria: Euskal identitateari buruzko tailerrak euskaltegietan.
• 2024ko maiatza: Afrika mendebaldekok dantzak, Kaori faktoriaren eskutik.
• 2024ko apirila: Argindarra aurrezteko eta fakturak ulertzeko tailerrak, Ekiherri eta Argitturri elkarteen eskutik.

Euskarazko Film-laburren Mintzagun saria

Pasaiako Trintxer Kulturala elkarteak antolatutako IKUSKA Pasaiako Badiako nazioarteko film laburren erakustaldiak helburuen artean du euskarazko film laburren ekoizpena eta zabalkundea sustatzea. Kezka horretatik abiatuz, MINTZAGUN euskarazko film labur onenari SARIA ekimena jarri zuen abian 2013an, Oarsoaldea Garapen Agentziarekin eta Lezo, Errenteria, Oiartzun eta Pasaiako Udalekin elkarlanean. Euskararentzako aukerak eta espazioak ugaritzeko eta euskaraz ekoitzitako lanek ibilbide luzeagoa egin dezaten helburua du ekimenak.  

Multimedia

Ekimenetako argazki, bideo eta audioak “Multimedia” atalean dituzue.

Albisteak

• 2025-10-20: EUSKARA IKASLEAK AHALDUNTZEKO TAILERRAK EUSKALTEGIETAN
• 2025-05-07: BIZKARRA ZAINTZEN IKASTEKO TAILERRAK EUSKALTEGIETAN
• 2025-03-18: OGIA ETXEAN EGITEN IKASTEKO TAILERRAK EUSKALTEGIETAN
• 2025-02-17: Zaporeak elkarteak Errenteria, Lezo, Oiartzun eta Pasaiako euskaltegietara hurbilduko du bere lan solidarioa
• 2025-01-17: MIKRO IPUINAK SORTZEN IKASTEKO TAILERRAK EUSKALTEGIETAN
• 2024-11-27: Kanpora Sartzen antzerki emanaldia Niessenen
• 2024-11-25: MINTZAGUN EUSKARAZKO FILM-LABUR LEHIAKETAK BADU IRABAZLEA
• 2024-11-19: Azkenburuko hotzak egiten ikasteko tailerrak euskaltegietan
• 2024-10-18: Euskal identitateari buruzko tailerrak euskaltegietan
• 2024-05-22: AFRIKA MENDEBALDEKO DANTZAK IKASTEKO TAILERRAK EUSKALTEGIETAN
• 2023-02-13: LEHEN SOROSPENEI BURUZKO TAILERRAK EUSKALTEGIETAN
• 2019-02-15: Euskaltegietako ikasleek euskal zinemagintza aztertuko dute
• 2017-05-24: “Coaching” solasaldiak euskaltegietan
• 2017-03-31: Antzerki saioetan parte hartu dute euskaltegietako ikasleek
• 2017-03-20: Jon Maiaren solasaldiak euskaltegietan
• 2013-05-09: Mintzagun jaia izango da larunbatean Errenterian
• 2013-04-11: Mintzagun ekimenaren aurkezpena

Albiste guztiak ikusi