Albisteak

Txalapartari buruzko tailerrak Oarsoaldeko Euskaltegietan

2022-05-02

Harkaitz Martinez de San Vicentek (Oreka TX) TXALAPARTAren inguruko tailerrak eskainiko dizkie hurrengo asteetan Oarsoaldeko euskaltegietako ikasleei.

Ikasturtero sei gai jorratzen dira Oarsoaldeko Euskara Batzordearen Mintzagun egitasmoko tailerretan. Gai bakoitzarekin tailer bana egiten da eskualdeko sei euskaltegietan. Ordu eta erdiko iraupena izan ohi dute saioek eta horien helburua gai erakargarri, berri eta gaurkotasunekoak euskaraz eskaintzea da. Hala, ikasle horien bizipenetan gai hori beti euskaraz ageriko da lehen kolpean behintzat. Edozein gai euskaraz jorra daitekeela eta ikasleak ulertzeko gai direla ohartaraztea ere helburu nagusien artean daude, besteak beste.

OARSOALDEKO EUSKALTEGIEN ZERRENDA HAU DA:

2022-05-17: EUE (Errenteria) | Ordua: 16:30 - 18:00

2022-05-18: PUE (Pasaia) | Ordua: 17:00 - 18:30

2022-05-19: Intxixu AEK (Oiartzun) | Ordua 18:00 - 19:30

2022-05-24: Xenpelar AEK (Errenteria) | Ordua: 09:15 - 10:45

2022-05-24: Txirrita AEK (Pasai Antxo) | Ordua: 19:00 - 20:30

2022-05-25: Oroitzene AEK (Lezo) | Ordua: 15:30 - 17:00

• Elkarbanatu: