Albisteak

MIKRO IPUINAK SORTZEN IKASTEKO TAILERRAK EUSKALTEGIETAN

2025-01-17

Mikro ipuinak nola sortu ikasiko dute Idoia Torregarai komunikatzailearekin Oarsoaldeko euskaltegietako ikasleek datozen bi asteetan. “Mikro ipuinak sortzen ikasteko tailerrak" izeneko saioak egingo dituzte urtarrilaren 21etik otsailaren 5era bitartean, Oarsoaldeko 6 euskaltegietan.

Datak eta ordutegiak

Oarsoaldeko Euskara Batzordearen Mintzagun programaren baitan antolatutako tailerrek honako egutegi hau jarraituko dute:

• Urtarrilak 21: Errenteriako Udal Euskaltegia (18:30 - 20:00)
• Urtarrilak 23: Xenpelar AEK (Errenteria) (18:00 - 19:30)
• Urtarrilak 28: Intxixu AEK (Oiartzun) (18:30 - 20:00)
• Urtarrilak 29: Txirrita AEK (Pasai Antxo) (19:30 - 21:00)
• Otsailak 3: Oroitzene AEK (Lezo) (10:00 - 11:30)
• Otsailak 5: Pasaiako Udal Euskaltegia (09:30 - 11:00)

Euskara ikasteko ikuspegi berritzailea
Ordu eta erdiko iraupena izan ohi dute saioek eta horien helburua gai erakargarri, berri eta gaurkotasunekoak euskaraz eskaintzea da. Gai bakoitzarekin tailer bana egiten da eskualdeko sei euskaltegietan. Mikroipuinak sortzea bezalako jarduera praktikoen bidez, parte-hartzaileek euskara hizkuntzan murgilduko dira hasiera-hasieratik.
Programak, halaber, edozein gai euskaraz landu daitekeela erakustearen garrantzia nabarmentzen du, ikasleek hizkuntza ulertzeko eta erabiltzeko duten konfiantza sustatuz.
Tailer hauek euskara modu sortzaile eta dinamikoan ikasteko eta gozatzeko aukera paregabea dira.

• Elkarbanatu: