2025-04-08
Asmazank izeneko lehiaketan hartu dute parte Oarsoaldeko Kuadrillategiko gazteek.
Asmazank lehiaketaren finala, martxoaren 14an jokatu da eskualdeko talde onenen artean. Irabazle nagusia, Faktoria taldea izan da galderen %95-a asmatuta. Taldeak 250€ko saria irabazi du. Bestetik, Xelebritiak taldeak eta Lara eta Maddi Z.-k osatutako taldeak bigarren eta hirugarren sarituak izan dira galderen %90a eta %87,5-a asmatuta, hurrenez hurren.
Kahoot erako galderei erantzutea izan da Asmazank lehiaketaren funtsa. Martxoko bi ostiraletan jokatu dute. Lehenengo saioan, herrika egin dute txapelketa eta ondoren, lau talde onenak eskualdeko finalean lehiatu ahal izan dira. Bertan, berrogei bat galderako jokoa egin dute gazteek. Galderak euskal kultura orokorrari buruzkoak, norberaren herriari buruzkoak eta Kuadrillategiren inguruko kontu eta txutxumutxuak izan dira. Lehenengo lehiaketatik ateratako lau talde onenak eskualdeko finalera igaro dira.
Gazteak teknologia berrietan euskaraz ari daitezen bilatzen du, besteak beste, Asmazank lehiaketak. Oarsoaldeko Euskara Batzordeak Kuadrillategiko gazteei urtean zehar eskaintzen dizkien ekintzen artean dago Asmazank!
atzera
HARREMANETARAKO
© Oarsoaldea Garapen AgentziaAZKEN TXIOAK
LOTURAK
