Oarsoarrak

Kuadrillategi

Zuriñe Hidalgo Kuadrillategiko gazteekin elkartuko da, “Kuxkuxeroak” egitasmoaren baitan

2018-11-14

Koadrila, familiarekin batera hizkuntza ohiturak (eta honenbestez euskararen erabilera) sustatzeko eta sendotzeko esparru egokiena da. Horixe da Kuadrillategi ekimenaren helburua: euskaraz ondo pasatu eta horrela euskararen erabilpena sendotu. Ekimen horren baitan, aurtengoan “Kuxkuxeroak” egitasmoaren saioak egingo dira Lezo, Oiartzun eta Pasaian.

Euskararen erabileran erreferentzialtasunak duen garrantziaz ohartuta, gazteentzat eredu izan daitezkeen pertsona ezagunekin (aktoreak, musikariak, kirolariak...) euskaraz elkarrizketa natural bat izatean oinarritzen da “Kuxkuxeroak” egitasmoa.

Oarsoaldean egingo diren saioetan Zuriñe Hidalgo abeslari eta telebistako aurkezlea Oarsoaldeako gazteekin elkartuko da. Zuriñe Hesian taldeko abeslari eta konposatzailea da eta Euskal Telebistako saio desberdinetako aurkezlea izan da (Betizu, Kantuan, A Ze Banda!, Sorgintxulo, Kantugiro, 3Txulo, Bagoaz, DantzanGo!...).

Hona hemen saioen ordutegiak:

LEZO. Azaroak 16, ostirala. Lezoko Herri Eskolan. 18.00-19.30 eta 20.00-21.30

OIARTZUN. Azaroak 23, ostirala. Gaztetxean (Landetxe Plaza). 19.30-21.00

PASAIA. Azaroak 30, ostirala. Donibaneko Kulturguneko komunikazio gelan. 19.00-20.30


atzera

HARREMANETARAKO

© Oarsoaldea Garapen Agentzia
Astigarragako bidea 2, Mamut eraikina 2. solairua
20180 Oiartzun (Gipuzkoa)
T.: 943 494 129 / F.: 943 491 894
Lege oharra | Irisgarritasuna | Kontaktua
iametza interaktiboak garatuta

AZKEN TXIOAK

© 2020 Oarsoaldea Garapen Agentzia · Garapena eta diseinua: iametza
  • udalak