Oarsoarrak - Oarsoaldeko Euskara Batzordea

Hasiera  »  Ekimenak  »  Merkataritza. Gremiokako lanketa

Merkataritza. Gremiokako lanketa

Urtero gremio bat hautatu eta hartan jartzen dugu fokoa eskaintza bereziak eta ekimen bereziak eginez. Jeneralean bi motako ekintzak egiten ditugu: maiatz-ekainean establezimenduari begirako elementu edo euskarriren bat sortzen eta banatzen dugu eta irail-urrian bezeroei eta erabilerari bideraturiko ekimen bat egiten dugu, zozketa, lehiaketa edo horrelakoren bat.

Urteko eskaintza

2018an jatetxeekin ari gara lanean. Maiatzera bitartean, aurkezpena egin arte, parte hartu nahi duten jatetxe guztiei jendaurrean dituzten idatzi eta oharrak euskaratuko dizkiegu eta menuak, kartak eta otorduak itzultzen hasiko  gatzaizkie.

Aurtengo kanpainaren leloa “Otordua euskaraz goxoago” izango da. Kanpainaren irudia izango denarekin kartelak egingo ditugu establezimenduetan jarri eta behar izanez gero, plastifikatuta banatuko dizkiegu, kanpaina osoa iraun dezaten.

Maiatzeko aurkezpenaren ondotik plateren hiztegia banatuko diegu jatetxeei. Plater zerrenda sailkatua banatuko diegu euskaraz eta gaztelaniaz. Ahalik eta hiztegirik osatuena egiten saiatuko gara eta establezimendu bakoitzari erosoen gertatuko zaion euskarrian ematen saiatuko gara.

Udazkenean, urriaren 15etik azaroaren 15era, jatetxeetako bezeroek orritxo batzuk izango dituzte eskura jan duten plater baten izena bertan apuntatu eta izena eta telefonoa jarrita bertan izango diren kutxatan sartzeko. Zozketaren aitzakiarekin kanpainako irudia eta leloa eramango duten boligrafoak banatuko dizkiegu establezimenduei, bezeroen artean oparitzeko. Gero zozketa egingo dugu eta herri bakoitzean 50€ko 6 sari emango ditugu. 50€ horiek boletoa entregatu duten jatetxean gastatu beharko ditu irabazleak.  Eskualde mailan bi lagunentzako otordua zozkatuko da Zuberoa jatetxean.

 

Dokumentuak

Aurreko edizioak

gehiago

Albisteak

Xede taldeak

errenteria.eus lezo.eus oarsoaldea.eus oiartzun.eus pasaia.eus