Oarsoarrak - Oarsoaldeko Euskara Batzordea

Hasiera  »  Ekimenak  »  Kuadrillategi  »  Albisteak

Kuadrillategi

Kuadrillategi eguna izango da igandean Lezon

2017-03-22

Errenteriako, Oiartzungo eta Pasaiako gazteak goizeko 11:00etarako joango dira Lezora hango gazteekin elkartzera. Jaiaren hasiera ordu horretarako jarrita dago Karlos Saldise plazan. Lezoarrek ongietorria egingo diete besteei egun osoan jantzita eramango dituzten kamiseta berdeak banatuz.

Eguerdiko ordu bata bitartean gazteak taldeka antolatu eta herriko hainbat txokotan ariko dira proba eta jokoak eginez.

 

13:00etan bazkaria egingo dute Karlos Saldise plazan musikaz girotuta.

14:00etan arratsaldeko ekintza aurkeztuko dituzte Pasaiako gazteek. Saldise plazan gazteentzako jolasak izango dira.

16:00etan Trikizunba egingo dute Lezoko gazteek dinamizatuta.

17:00ak aldera txarangarekin kalejira egingo dute gazteek herrian barrena.

18:00etan Kuadrillategi Egunaren amaiera Karlos Saldise plazan.

Eskualdeko lau herrietan 12-16 urte arteko gazteek ostiraletan egiten duten aisialdi eta heziketa jarduera da Kuadrillategi. Jexux Leonetek, Oarsoaldea Garapen Agentziaren lehendakaria denak adierazi duenez, 2016-17 ikasturte honetan ia 400 gaztek hartzen dute parte ostiraletako bi orduko saioetan nahiz irteera eta jarduera berezietan.

Antolatzaileek dei egiten dizuete Kuadrillategiko gazte guztiei igandean Lezora joateko, primeran pasako baituzue!

 

Utzi zure erantzuna:

Ondorengo eremuak bete. "*" dutenak derrigorrezko kanpoak dira.

Onartzen dut lege oharrean zehaztutakoa

Ekimenak

Xede taldeak

errenteria.eus lezo.eus oarsoaldea.eus oiartzun.eus pasaia.eus