2021-11-17
Merkataritzaren eta ostalaritzaren testuinguruan euskararen erabilera konfiantzarekin lotzen du kanpainak. Tokiko merkataritzak berezko duen gertutasunak, betikotasunak eta gutasunak konfiantzazko harremana sortzen du. Era berean, harreman horrek kalitatearekin lotura dauka, bai produktuarena eta baita harremanarena ere.
Kanpainaren ezaugarri nagusiak
Aurtengo kanpainaren ardatza spot bat da, biloba eta amona bat irudikatzen dituena. Amonak bilobari erosketak egitera ateratzeko eskatzen dio eta eorsi beharrekoen zerrenda bat esaten dio. Hainbeste dira amonak emandako jarraibideak, bilobak zer erosi behar duen ahazten duela okindegira iristean. Okinak, baina, amona ezagutzen du eta bilobak ezer eskatu gabe "betikoa" eskaintzen dio. Spotan islatzen den egoera hau bezeroaren eta markatariaren arteko eguneroko harremanetik sortzen den konfiantzaren isla da. Eta horrekin batera, norbera bere hizkuntzan artatua izatea konfiantza hori eraikitzeko bidea dela.
Spotaren zabalkundearekin batera, udalen elkarlanak garrantzi berezia dauka aurtengo edizioan. Guztira, 60 udal baino gehiagok parte hartu dute kanpainan eta datozen asteetan udal bakoitzak bere estrategia jarraituko du spotan jasotzen den mezua gizarteratzeko helburuarekin.
atzera
HARREMANETARAKO
© Oarsoaldea Garapen AgentziaAZKEN TXIOAK
AZKEN ALBISTEAK
ARGINDARRA AURREZTEKO ETA FAKTURAK ULERTZEKO TAILERRAK EUSKALTEGIETAN
BANATU DITUZTE EUSKARAREN PAPARAZZIEN SARIAK
OARSOALDEKO UDALEK ERRENTA AITORPENA EUSKARAZ EGITERA DEITU DITUZTE ZERGADUNAK
LOTURAK