Oarsoarrak

Albisteak

Euskarazko film labur onenari Mintzagun saria

2019-11-26

Euskarazko film laburren ekoizpena eta zabalkundea sustatzea du helburu IKUSKA Pasaiako Badiako nazioarteko film laburren erakustaldiak, Pasaiako Trintxer Kulturala elkarteak antolatua. Kezka horretatik abiatuz, MINTZAGUN euskarazko film labur onenari SARIA ekimena jarri zuen abian 2013an, Oarsoaldea Garapen Agentziarekin eta Lezo, Errenteria, Oiartzun eta Pasaiako Udalekin elkarlanean.

Euskara erabiltzeko espazioak handituz
Herritarrek euskara erabiltzeko dituzten aukerak eta espazioak ugaritzea ere du helburu ekimenak. Izan ere, askorentzat euskaltegiak dira euskara erabiltzeko duten espazio bakarra. Horiek horrela, epaimahaia Oarsoaldea eskualdeko euskaltegietako ikasleek osatzen dute.

Film laburren emanaldi bateratua egin zen Errenteriako Errenteria Hiria (Niessen) Kulturguneko aretoan eta Trintxerpeko Alkateordetzako aretoan. Emanaldi horietan erabaki zuten euskaltegietako ikasleek euskarazko film labur onena zein den, eta beraz, Mintzagun saria nori emango zitzaion.

“Hotzean garbitu” euskarazko film-laburra, saritua
Azaroaren 23an, Trintxerpeko Alkateordetzako aretoan egin zen festibalaren itxiera ekitaldian eman zieten saria irabazleei, Marta Teijeira eta Maddi Barrenetxea zuzendariei.

Irabazleei eskualdeko sei euskaltegietan film irabazlearen inguruko solasaldi bana emateko aukera eskaini die. Saio bakoitzarengatik 100€ eskuratuko dituzte, 600€ guztira.

Saio edo emanaldi hauetan ikus-entzunezko arteari buruzko zertzeladak ere emango dizkiete ikasleei zuzendari-ekoizle irabazleek.


atzera

HARREMANETARAKO

© Oarsoaldea Garapen Agentzia
Astigarragako bidea 2, Mamut eraikina 2. solairua
20180 Oiartzun (Gipuzkoa)
T.: 943 494 129 / F.: 943 491 894
Lege oharra | Irisgarritasuna | Kontaktua
iametza interaktiboak garatuta

AZKEN TXIOAK

© 2020 Oarsoaldea Garapen Agentzia · Garapena eta diseinua: iametza
  • udalak