Oarsoarrak

Albisteak

"Euskararen Paparazziek" badute saria

2020-12-21

Hirugarren edizio honetara aurkeztu diren 30 argazkien artean, Oiartzungo Aguirrezabalaga botikari Irati Odriozolak eta Alazne Etxeberriak ateratakoa gertatu da irabazle. Epaimahaiak argazkiaren ezaugarri teknikoak nabarmendu ditu, konposaketa osoa eta egungo egoerari egiten dion keinu ia oharkabekoa. Bigarren saritua, berriz, Naiara Sanchez lezoarrak Kimaya estetika zentroari ateratakoa izan da. Argazkiaren lerro bertikalak eta islarik eza nabarmendu ditu epaimahaiak.

“Prezio berean, euskaraz!” egitasmoaren barnean antolaturiko argazki lehiaketa da EUSKARAREN PAPARAZZIAK. Aizpea Otaegik, Oarsoaldea Garapen Agentziaren presidenteak eta Errenteriako alkateak adierazi duenez, Errenteriako, Lezoko, Oiartzungo eta Pasaiako merkataritza eta ostalaritza establezimenduetan euskararen erabilera handitzeko, hizkuntza paisaiak duen garrantzia azpimarratzea du helburu egitasmoak.

Euskara eta merkataritza/ostalaritza hobekien uztartzen dituzten argazkiak izaten dira baloragarri eta aurten, gainera, Euskaraldian gauzatu da bete-betean.

Irabazleak 2020ko abenduaren 21etik 2021eko urtarrilaren 30era bitartean Oarsoaldeko saltokietan gastatzeko 400 euroko txartela eskuratu du, eta 200 eurokoa bigarren saridunak. Argazkiak ikusgai daude www.oarsoarrak.eus web gunearen multimedia atalean.

Zorionak, irabazleoi!!


atzera

HARREMANETARAKO

© Oarsoaldea Garapen Agentzia
Astigarragako bidea 2, Mamut eraikina 2. solairua
20180 Oiartzun (Gipuzkoa)
T.: 943 494 129 / F.: 943 491 894
Lege oharra | Irisgarritasuna | Kontaktua
iametza interaktiboak garatuta

AZKEN TXIOAK

© 2020 Oarsoaldea Garapen Agentzia · Garapena eta diseinua: iametza
  • udalak