Oarsoarrak

Albisteak

Euskaltegiak sexologiari buruzko tailerrak egiten ari dira

2018-06-01

Luis Elberdinen eskutik sexologiari buruzko tailerrak egin dituzte egunotan Oarsoaldeko euskaltegietan. Zehatzago esateko, Sexologia –Koitoa eta plazerra– izeneko tailerrak landu dira euskara ikasleekin.

Ikasturtero sei gai jorratzen dira Mintzagun egitasmoko tailerretan. Gai bakoitzarekin tailer bana egiten da eskualdeko sei euskaltegietan. Ordu eta erdiko iraupena izan ohi dute saioek eta horien helburua gai erakargarri, berri eta gaurkotasunekoak euskaraz eskaintzea da. Hala, ikasle horien bizipenetan gai hori beti euskaraz ageriko da lehen kolpean behintzat. Jose Angel Sanchezek, Oarsoaldea Garapen Agentziako lehendakariak adierazi duenez, Oarsoaldeko Euskara Batzordeak, eskualdeko euskaltegiekin elkarlanean  antolatzen duen Mintzagun tailerren egitarauaren barnean daude saio hauek. Edozein gai euskaraz jorra daitekeela eta ikasleak ulertzeko gai direla ohartaraztea ere helburu nagusien artean daude, besteak beste.

 


atzera

HARREMANETARAKO

© Oarsoaldea Garapen Agentzia
Astigarragako bidea 2, Mamut eraikina 2. solairua
20180 Oiartzun (Gipuzkoa)
T.: 943 494 129 / F.: 943 491 894
Lege oharra | Irisgarritasuna | Kontaktua
iametza interaktiboak garatuta

AZKEN TXIOAK

© 2020 Oarsoaldea Garapen Agentzia · Garapena eta diseinua: iametza
  • udalak