Albisteak

20.KORRIKAren dokumentala ikusgai dago

2017-03-14

Aurten 20. Korrika ospatuko da eta honen harira, dokumental bat ekoitzi du Hiru Damatxo Ideia Faktoriak AEKrentzat.

Dokumentala bart EiTBn ikusteko aukera izan bazen ere, gaurtik aurrera sarean ere ikusgai dago. 

SINOPSIA

Hizkuntza, Kultura, Mundu BatZUK. Euskal Herrian, hainbat modu daude euskara eta hizkuntzak bizitzeko, pertsona bakoitzeko bat, BatZUK: zenbait elkarren oso antzekoak, beste zenbait ia antagonikoak. Lan honetan, horietako lau ezagutuko ditugu; lau herritarren bizitzetan sartuko gara, nor bere testuinguruan dagoela.

Euskaraz bizi den jendea, edo euskarara hurbildu dena, masa homogeneoa izatetik urrun, kolore eta ñabardura ugariko multzoa da, eta aniztasun horren argazkia duzue dokumental hau. Hauek dira euskaldun BatZuk. Hemen dituzue euskararen lau aurpegi, beste askoren artean.

Euskalduna izateko milaka modu daude, eta Maikak, Danik, Anderrek eta Elenak, zein bere hizkuntza-aberastasun eta kultura-aniztasunetik, euskararekin bat egiten dute. Haiekin batera, BATZUK gehiago gara.

Dokumentala ikusi. 

• Elkarbanatu: